فجاة وبدون سابق انذار قررت اعمل بحث ميداني علمي عن الاجهزة الجديدة التي تعرف بالتاب او الباد. واللي موجود منها ثلاث في الاسواق المحلية حاليا سامسونغ تاب وايباد والايباد الجديد. وسوق التاب هو سوق جديد حديث التخرج ومستقبله راح يكون زاهر في ظل التطور السريع اللي كل ما تعطس شركة الا ويطلع منها جهاز تاب متطور. ابدا باهلي بالواتس اب اللي كان فيه ولد عمي احمد اللي شاري حق مرته ايباد واخوه ناصر اللي اشترى الجالاكسي تاب وانا
انا: ناصر سؤال
ناصر: امرني
انا: اشرايك بجهاز الايباد. والسؤال موجه لك ايضا يا احمد
احمد: عن نفسي انا مو عاجبني
ناصر: الايباد ما ادري عنه بس اعتقد الايفون والتاب استعماله فوق الممتاز وسستمه نفس اللي عندك
ثم دخل علينا احمد عرض وحط هالصورة برودكاست
انا: لووول عالصورة. يا ***** لا تقاطعني \\ اي عشان يتعلم ما يقاطعني
احمد: انا اؤيد كلام ناصر الورع. الاي باد نفس الاي فون بس مو عملي... نظري هههه \\ ملاقة
انا: ااااااه. ليش مو عملي
احمد: اللابتوب انفع. بس شتسوي. تفقق \\ ذابحتك المدام
انا: انزين ليش اللابتوب احسن
احمد: الايباد كل ما تبي تسوي شي لازم برنامج خاص ودوخة راس اما اللابتوب كل شي تبيه موجود وتنزيله سهل بدون عناء. وهذا مثال بسيط مبسط
انا: اها. يعني تشوف ان الايباد تكون فيه مقيد من ناحية البرامج
احمد: ايوه. عليك نور. ليش تسال؟ شنو؟ حاب اتطور الجهاز \\ ملاقة الجزء الثاني
ناصر: التاب زين وبرامجه مجانية
احمد: بس هم عوار راس
انا: اوكي. بس ما تحس ان اللابتوب استعمالهم يبيله تعليم شوي
احمد: لا. هو اسهل ما صنع الانسان
انا: مثال. مرات الوالد تناديني بس عشان اضبطله الكام او المايك لما يستعمل اللابتوب
احمد: هالشي سخيف \\ افحمني
انا: جميل. بس هل تتفقون انه لازم يكون هالجهاز متواجد بالبيت حاله حال الكمبيوتر والغسالة \\حلوة مني... غسالة
احمد: لا. اميه بالاميه
انا: وناصر؟؟
احمد: ناصر شيعرف. ناصر **************** \\ يا قاسي يا احمد
احمد: ودي اضحك بس اخاف ناصر يزعل
ناصر: محد راح يزعل بس ********* يا احمد \\ لكل اكشن له ري-اكشن
انا: لوووول. انزين جاوبني ناصر
ناصر: نعم الجهاز لازم يكون موجود بكل بيت
احمد: اسال اخوك غانم يمكن يفيدك. هو خبرة بالايفون
انا: **** غانم اكيد بيقول الجهاز ضروري. تعرفونه مريض ابل. من كثر ما يحبهم راسه تحول الى تفاحة مقرومة
ثم تحول الرووم الى سوالف وحش بالاوادم كالعادة
.
الشخص الاخر اللي كلمته عن الايباد هو زميلي مهندس الديكور المهندس اسعد. وهذا المهندس القدير عنده ايفون بس ما عنده ايباد. ولكنه يستعمل الايباد عند واحد من الربع ويفكر يشتريله واحد. ودار بيننا هذا الحديث وهو ممسكا بالايباد
.
الشخص الاخر اللي كلمته عن الايباد هو زميلي مهندس الديكور المهندس اسعد. وهذا المهندس القدير عنده ايفون بس ما عنده ايباد. ولكنه يستعمل الايباد عند واحد من الربع ويفكر يشتريله واحد. ودار بيننا هذا الحديث وهو ممسكا بالايباد
انا: يعني بتدقلك واحد
اسعد: والله الجهاز طيري عقلي. شوف شو بقدر اعمل فيه.. اتطلع عليه ما احلاه... شوف الرسم هيك
انا راح اشتريه وبعمل عليه رسمات وتصاميم
انا لو راويتك رسماتي تجن. انا من زمان برسوم. ما تعرف انو انا عضو الفنون التشكيلية. ما شفت التصاميم تبعي. اتطلع حولينك تعرف انو انا ......... وانا …............ وانا …........ وانا
واخذ المهندس بالحديث عن انجازاته بالحياة
وهناك الكثير من الاهل والاصحاب كلمتهم بهالموضوع ولا يسعني ان اضيف الكل لانه راح تطق جبودكم
References:
2 comments:
أصلًا حركتهم ما ينزلونه وقت المنحة عشان الأوادم تطيّر القديم ويفتكون منه تالي ينزلون اليديد
; )
كل هالأجهزة ما سووها إلا ولها فايدة
بس الفايدة ما تحقق إلا لما الشخص يستغلها.
كثير أحيان ما تكون غير مضيعة وقت
:")
IT is the future! ; )
Dear Seema
أصلًا حركتهم ما ينزلونه وقت المنحة عشان الأوادم تطيّر القديم ويفتكون منه تالي ينزلون اليديد
; )
>> اي والله اشلون ما طرا على بالي هالاحتمال :)
===================================
كل هالأجهزة ما سووها إلا ولها فايدة
بس الفايدة ما تحقق إلا لما الشخص يستغلها.
<< كلامك صحيح. ما اشتريه عشان اراوي الناس انه عندي. ولا على قولة ولد عمي تفقق
===================================
IT is the future! ; )
<< Yes it is and am very proud of being IT specialist. oh excuse me, ex-IT specialist
Post a Comment