بسيارتي رايح الدوام الصبح
قلاص ماي وتوست أسمر ريوق الصباح
اكله بالسيارة وانا قاعد اسوق
لأن محد عبدالفتاح لما انا جيعان
بارتشن بني
مكتب بني
اوراق بيضاء
مخ مقفول
هذا حالي صباحا
ماكو شغل
ماكو صلاحيات
أخترع لي شغل
شوية كمبيوتر
والباقي تخليص معاملات
مش معاملات مواطنين مراجعين
يا ليت
معاملات مهندسين
مهندسين قاعدين يبنون البلد
انا شغلي أحط رقم حق معاملتهم وأمررها حق مديري
ما في شي يمنعني اقرأ المعاملات
أشوف اشلون يشتغلون المهندسين
طبعا مو شرط مهندسين كويتيين
مختلط بين وافدين ومهندسين
لأن مو كل مهندس كويتي قاعد يبني بلده
شريحة كبيرة مثلي
مهندس مع وقف التنفيذ
تعارض في الفلسفة
بيني وبين مديري
شهادتك خلها على كتر
اتبع المسار اللي يوصلك للقيادة
والقيادة بالإدارة
هذي فلسفته
المواطن يخلص معاملته من على اللابتوب في بيته
في اي مكان
اذا وصلنا هالمرحلة ما راح اخلي شهادتي على كتر
الا أقطها بالزبالة اذا يبي
هذي فلسفتي
ويمكن هذا المنطق
منطق مهني
مش منطق محبي الكراسي
وما اكثرهم في البلد
يوم مرهق
وايد لوك لوك
أعمال تافهة
يرجع البيت
أبوي: اشلون الشغل يبا
الحمدالله يبا
شوبة شغل
سوالف
وناسة
انا اصلا مو رايح ابحث عن قوت يومي
معاشي بجيبي سواء اشتغلت او ما اشتغلت
رزقي مضمون الى ان يشاء الله
الحمدالله
بس الله يغير علينا!
Change is up to you buddy!; )
ReplyDelete@Seema*
ReplyDeleteChange is coming inshalla Seema. Change is coming
:D
اول مره اقرأ لك تدوينه من هالشاكلة .. كثر منها بارك الله فيك :p
ReplyDelete:)
@Zahraa Ali
ReplyDelete:D
حبيت أغير أغير الاسلوب شوي هالايام
There is more to come inshalla