Thursday, September 24, 2009

رحلتي الى احتفالية زوايا شغف.... احييناها

قررت في قرارة نفسي اني اؤجل بوست العيد عشان زوايا شغف..... احييناها..... يستاهلون الجماعة بعد العرض الرائع اول يوم

طبعا طلعت الافنيوز مع ولد عمتي واخوي
وللامانة.... انا رحت عشان اكل من مطاعم الافنيو... هذا كان الهدف من الطلعة...
بس شي اكيد ان في شي متقلقص في اعماقي... غير بطني طبعا..  يقوللي روح زوايا شغف... احييناها
المهم... احنا الثلاثة دربنا كان المطعم
واذا بنا سمعنا صوت مايك مبلتع.. فغيرنا وجهتنا الى زوايا شغف... احييناها
شفنا مايك مبلتع.... وهذي اول مرة اشوفه.... شكله كلش ما يشبه صوته... وصوته كلش مو شبه شكله... يعني مثل شكلي اللي ما يشبه مدونتي ومثل مدونتي اللي ما تشبه شكلي
ما ادري... هل انا غبي؟

ما علينا
وصلنا على فقرات السحر
خليت الفقرة ورحت احوس على الاغراض. فطاحت عيني على الكاونتر اللي فيه لعبة مونوبولي كويتية. اللعبة دزاينها حيل عجبني. دزاين كويتي وابراج الكويت والفلوس بالدنانير. روعة بكل ما تحمله معنى في الكلمة
دام ان اللعبة ابيها. يعني انا شاريها شاريها
رحت التفت يمين يسار. منو المسؤول عن الكاونتر سالت. ما لقيت جواب
قلت خلاص ماني شاريها. بس ما راح اطلع من زوايا شغف... احييناها الا وانا شاري شي
فشريت فنيلة من الفنايل الطيبة اللي عندهم
اشرايكم بسرير اخوي اقصد اشرايكم بالفنيلة؟






سعرها خمس دنانير
ترى الفنيلة حجمها
small
لا تغركم الصورة
انا ضعيف حيل مو بطة
:)



الصورة تعبر عن مراحل الكويت
الخمسينات طرب
الستينات جامعة الكويت حبيبتي المسكينة
السبعينات ابراج الكويت اللي من سنة جدي ما رحت له
الثمانينات الكرة... واعليه كرتنا الحين
التسعينات التحرير 

فديتهم... عيالنا المرضى.. الله يشافيهم اجمعين
وبرافو زوايا شغف... احييناها

8 comments:

Enter-Q8 said...

عساك على القوة
الصراحة اتصالات كثيرة يتني تتكلم على المهرجان و عن الفرحة و التفاعل اللي فيه و الجميل ان هالشيئ تم بدون جهات او و منظمات ببساطه بافراد يريدون ان يثبتوا انهم يريدون ان يعطوا و قادرين على العطاء و وجدوا من يشد على ايدهم انت وانا و غيرنا فعلا التفاؤل يبعث روح جديده انا نفسي كنت مفتقدها
شكرا لك

4H said...

عطيك العافية

Addictioneer said...

Enter-Q8
الشكر لكل اللي علّا من صوت المهرجان وساعد هالشباب على طرح ابداعاتهم
والشكر للجميع

Addictioneer said...

4H
الله يعافيج
والله يعافي القائمين على الاحتفالية

Faith said...

وايد حلو التي شيرت

صج يعطيكم العافيه وعساكم عالقوة

Addictioneer said...

Faith
الله يعافيج ويعافيهم

التي شيرت حده معبّر وخطف عيني
:)

Hope said...

حلو والله
يعطيهم العافيه
يبيله روحه

Addictioneer said...

Hope
لحقي اليوم اخر يوم
:)