الكل يعرف اللي صار بالانترنت عندنا بالكويت والليميت اللي حطوه على على كل اشتراك. رحت اتحلطم تحديدا عند ولد عمتي اللي تحديدا يدرس باستراليا واللي تحديدا في مدينة وولونجونج واللي تحديدا اتحدث معاه على الواتس اب
قلت له الانترنت عندنا صار له حد استخدام يومي. فرد عليي ان الانترنت عندهم الانترنت خايس وهم له حد استخدام. هنا جاءني فضول المقارنة بين النت عندنا وعندهم
بدأت بشرح وضعنا الحالي وقلت له ان حد الاستخدام اليومي عندنا حسب ما يقولون 3.7 جيجا باليوم بحكم ان سرعتنا 3 ام بي. فقال لي ليش جذي الليميت وانتو دافعين 300 دينار
المكان: الكويت
المكان: الكويت
3Mbps
~111 giga monthly cap
300KD/year
سالته اشلون النت عندك فقال لي الانترنت اللي في شقته كالتالي
المكان: استراليا
المكان: استراليا
20Mbps
500 giga monthly cap
~240KD/year
الارقام تتكلم... السرعة دبلات اللي عندنا... حد الاستخدام عالي... والسعر رخيص وفي متناول الكل
قلتله سرعة عشرين وخمسمية جيجا ليميت وعشرين دينار بالشهر وتقول لي خايس... ما عندك سالفة بن عمتي. اجل شتوصف اللي عندنا
وسالته اذا يمنعون عليه تنزيل الافلام والتورنت وغيره رد عليي انهم ينبهون على التنزيل الغير قانوني للافلام
مرة اتصلت فيه موظفة خدمة العملاء وهو قعد ينزل انمي ونبهته على انه غير قانوني فاخذ يتجادل معاها فقالت له ادق عليك برقم ثاني. المهم... دقت عليه من رقم ثاني وقالت له ترى داقين عليك بس جذي عشان حنا ملزومين بقانون حماية الملكية... وتقدر تسوي داونلود على كيفك
وقالت له انها دقت عليه من رقم ثاني لان رقم الشركة المكالمة تكون مسجلة
مرة اتصلت فيه موظفة خدمة العملاء وهو قعد ينزل انمي ونبهته على انه غير قانوني فاخذ يتجادل معاها فقالت له ادق عليك برقم ثاني. المهم... دقت عليه من رقم ثاني وقالت له ترى داقين عليك بس جذي عشان حنا ملزومين بقانون حماية الملكية... وتقدر تسوي داونلود على كيفك
وقالت له انها دقت عليه من رقم ثاني لان رقم الشركة المكالمة تكون مسجلة
يا سلاااااام
مني الى وزارة المواصلات
مني الى شركات الانترنت
ردوه انليميتيد
او زيدوا الكاب وعادي نرضى بالليميت
الحد اللي حاطينه لنا باليوم ما يوكل خبز
ما يوكل خبز لبيتنا اللي يشبك فيه حاليا وانا قعد اكتب الاجهزة التالية
عدد 4 ايفون
عدد 1 اتش تي سي جووجل
عدد 1 ايباد
عدد 1 بلايستيشن
عدد 1 بلاكبيري
عدد 2 لابتوب
هذا وحاليا البيت يعتبر مافيه احد
شوفوا الدول اللي برة وحاولوا تصيرون مثلهم
زيدوا الشركات
زيدوا المنافسة
طوروا الشبكة
وجذي راح يستفيد مستخدم الانترنت
اخاف بس احد سمعني
:)
المهم
اشكر النائب العم احمد السعدون لتسجيله موقف ازاء التغيير اللي اعتبره انا مهزلة وقاموا بتسميتها
Fair Use Policy
سياسة الاستخدام المعتدل
سياسة الاستخدام المعتدل
duh...
واشعر بالاسف والحسرة والمادري شنو على النواب الشباب اللي بالمجلس اللي لا سجلوا موقف ولا حتى طقوا رصيف. كان من المفترض ان يكونوا اول النواب اللي يسجلون موقف كونهم شباب ويعرفون احتياجات الشباب وما يشتكون منه
References:
4 comments:
مرة كلمت واحد استرالي عايش في استراليا. يقول انه الانترنت عندهم ما يقارن في امريكا واوربا لانه الانترنت في استراليا متخلف.... ما سألته عن السرعات. بس على كلام صاحبك... اشوى اني ما قلت له جم سرعات الانترنت عندنا. جان ضحك علي لين قال بس.
@buddy
اشوى انك ما قلتله
واشوى ان اللي قعد اكلمه هو ولد عمتي. ولا كان ما لقيته مساندني ويهون عليي
بس عطاني وحدة عالماشي قاللي ان الداونلود عنده بالتورنت 2 ام بي ثابت... خلاص ما راح ارد الكويت
:p
شكرا على التعليق
تعليقي الوحيد
"حسبي الله ونعم الوكيل"
نعم حسبنا الله ونعم الوكيل
ولا اذا بنتكلم بعد راح نسترسل في الكلام
:)
Post a Comment