Sunday, November 27, 2011

الكاميرا الشخصية لي sony nex-5n


اهلا وسهلا كاميرتي 
أهلا وسهلا من زمان
لانها ما وصلت أمس
ولا أول امس
الكاميرا وصلت من زمان بس نظرا لمشاغلي الصحية والاجتماعية والسياسية ما قدرت أكتب عنها
خيرة
خلال الفترة هذي قدرنا نصور صور حلوة
معظمها من إبداعات اخواني وعيال عمي اللي هم استخدموها أكثر مني... وكأني شاري الكاميرا لهم
:)

اهم المواصفات
من اهم المواصفات اللي شدتني للكاميرا انها كاميرا جديدة.... اشتبي؟ّ!!
آسف... الحين اتكلم صج
- الكاميرا تصور بحجم 16.1 ميجابكسل
- تصوير فيديو "فول" اتش دي full HD
- شاشة كبيرة يمكن تحريكها بشكل افقي وتعمل باللمس
- تصوير بانورامي وتصوير بانورامي ثلاثي الابعاد
- جودة الصورة تضاهي كاميرات الدي اس ال

والاهم من كل هذا ان الكاميرا استعمالها جدا جدا سهل
recommended for no-brainer :)
لاني الصراحة بغيت كاميرا أصوّر فيها صور احترافية تعطي خيارين
تصوير للمبتدئين: اللي كل شي فيه اوتوماتيك
تصوير للمحترفين: اللي يبدعون فيه الفنانين في التصوير الفوتوغرافي... حق بعدين

بسنا قرقة... الصور أهم
ملاحظة 1: الصور تم تصغيرها عشان ما تاخذ مساحة كبيرة عالبيكاسا فيمكن احتمال يمكن يمكن جودة الصورة تأثرت من التصغير
ملاحظة 2: اضغط ع الصورة لتكبيرها
OK OK Mr.Obvious





هذا مسجد تصميمه روعه
نسخة مصغرة من تاج محل 
بس ما اقدر اصلي فيه :( 
لانه مو مسجد ربعنا
هذي تجربتي للتصوير البانورامي
شوفوا اشلون السيارة مقصوصة
للتذكير فقط: اضغط ع الصورة للتكبير





وهذا مسجد ربعنا... ولا يهونون الربع
أهم شي المكسيما المدعومة بالصورة الاولى




هذي مصورها اخوي بعيد الاضحى
والله كبرنا وقمنا نوزع عيادي

هذي مصورها اخوي بعد
هو مختار الفلتر اللي يبين لك بس اللون الاصفر
وباقي الالوان ابيض واسود

وهذي مدري اشلون هو مصورها
اعتقد مسوي الفلتر اللي يبين لك بس اللون الاحمر
وحاط فلاش بالكاميرا

اخواني ابداع

هذي انا صورتها عشان اختبر التصوير حزة التوالايت
اسم الله عليك انت توالايت... قول المغرب وخلص
:)
احس ان الصورة مو ذاك اللي
يمكن الموقع اثّر في نفسيتي في تقبل الصورة
الموقع: سطح جاخور ولد عمي بكبد

وهذا القطو صاحبنا بجبد
هذي قصته يا جماعة الربع إنو كان قطو ضعيف ياكل عزكم الله الحشرات اللي بالجاخور
ولكن حارس الجاخور قام يعطيه ما لذ وطاب من الاكل البشري
فصار القطو متين متبتب متعافي شبه الاسد
وقمنا بتسميته مُختار كبد
واصبح القطو يناظر الحشرات بوجه عريض. ولا ياكلها
وعم الفرح والسرور بالجاخور واقمنا علاقات وطيدة مع الحشرات
ملاحظة: النقطة الزرقاء بالصورة هذا من شعاع الليزر الازرق اللي قعد يلعبون فيه عيال عمي 





من افضل كاميرات الديجتال بالتصوير في الليل والاماكن التي تكون فيها الاضاءة ضعيفة وخافتة



وهذي سيارتي الكامري من الداخل
الافضل في العالم

لابس تكرمون نعال الزنّوبة
وغصب اعامل الدلاغ العادي كأنه دلاغ ياباني

عصير البينا كولادا... لذيذ ومنعش بشكل

واخيرا وليس اخرا
أكل

تكلفة الكاميرا
 699.99 دولار امريكي وللاسف انا اخذتها مع ضريبة فوق الستين دولار واللي خلّى تكلفتها 217 دينار كويتي
ولكن اذا طلبتوها من موقع امازون راح تقدرون تسترجعون فلوس الضريبة

وبس
:)

اشرايكم بالصور؟ اصلح مصور كاتاكوغرافي؟!
:)


References:


2 comments:

Seema* said...

The 4th photo is the best!

I think you need to give a little more time to think before you shoot.

Tet-hana feeha! :")

Addictioneer said...

@Seema*

تسلمين سيما كلك ذوق

And yes I really have to think.
I think that because I used to shoot family pics for a long time which only require Cheez.
I have to think art
:)