G'day all
أحد زملائي في العمل يتكلم عن تقدمه للزواج من بنت أحد العوائل الكويتية. أخذ يسردلي كيف تقدم بطلب يد البنت من أبوها مرورا بموافقة والد البنت ثم البنت نفسها عليه... ولكن رفض بالاخير
سألته ليش رفضت؟
قال: واحد من أهلهم أسمر
!!!!!!!!!!!!!!!!!!!!!!!!!!!!!!!
يقول الزميل أنه ومن خلال الزيارات للدواوين والاصدقاء عرف ان هناك من الاصدقاء يعرفون هذه العائلة. وقالوا له أن هناك من أهلهم أسمر
******أنا بداخلي: أسمر! أنا أسمر... شنو يعني... يلا أخليه يكمل**********
ويكمل الزميل بقوله أنه رفض الزواج منها. بما معناه أنه فركش الزواج وديا بعد موافقة البنت ووالد البنت عليه. وأخذ يؤكد لي أن البنت في غاية الجمال والرقة والأدب ولكن.... أحد من أهلهم عبد
*******أنا بداخلي: أسمر... أها يقصد أسود... خال... عبد**********
سألته: ليش... شنو فيها أسمر؟
قال: تدري يا بوخالد... العِرج يجر
العرج يجر
فهمت قصده
لكن خبري زمن الجواري والعبيد والخدم والطقاقات انتهى
استغربت
من عوايدي إني أرد عالناس علطول إذا كان في رأي أراه خاطئ أو غير صحي
من عوايدي إني ما أثنيها
وحدة بوحدة
ولكني التزمت السكوت...ظاهريا
من وقع الصدمة
من وقع الصدمة
أخذ يتكلم
ويبرر
وينصحني بكيفية الاختيار
ويشرح لي ما هي شخصية المرأة اللي تصلح لي
كلامه يدخل بإذن... ويطلع من إذن ثانية
أصلا انا مو معاه
أنا في داخلي تساؤل كبير
هل هناك من أمثاله الكثير يفكرون هكذا
Sigh
هذه الحادثة أضيفها لحوادث كثيرة سمعت بها
رفض بسبب الطائفة الدينية
رفض بسبب الاصل
والان رفض بسبب اللون... واللي يذكرني بنوال الكويتية لما قالت "لا والله... هذي جديدة"
السؤال اللي أسأله نفسي
أقدر أسميه المجتمع المقلب؟؟
10 comments:
LOL!
ومن قلب "لول" بعد..
أحسن, أهوا مو كفو..
عيب أحكم عليه وأنا ما أعرفه؟ بيزعل؟ بالضبط هذا موقف الأوادم اللي مو عاجبينه. على الأقل أنا حكمت فحكمي ما صدر إلا بعد ما شفت كلامه وتفكيره,أهوا على شنو حكم؟
يبي يتزوّج منيكان؟ الله يوّفقه بس شيين يتذكرهم مثل ما عاب الناس, الناس بتعيبه. والمينيكان أو الباربي أو الصبغ اللي بيتزوجه مرده بيتقشع.
و.. لأ, ما اشتطيت قاعدة أكتب وأنا أضحك عارفة هالثقافة موجودة وعايشتها.
يمكن البوست الياي أنزل قصة عن هذا الموضوع! ;P
@Seema*
صح كلامك. ما يستاهل... هل هو شايف انه يحمل أصل ولون أرقى من غيره؟؟
ومثل ما عاب الناس الناس بتعيبه... وهو يقول قصته كنت أشفق عليه وعلى عقله
الجمال شيء وليس كل شيء... عاد مش باربي مرة وحدة ولا هذيل اللي صابغين نفسهم... ولا اقولج... انا لما اخطب راح اجيب معاي سطل ماي
:p
بس عجبتني كلمة مينيكيان. تم اضافتها للمعجم الشخصي
:p
الله يعينك على العيشة مع هالثقافة والله يعينك أكثر اذا كانت لا تزال حولك
وانا دائما من منتظري تدويناتك الجميلة
:)
do you know how to turn the keyboard to Arabic on the iMac? God dammit.
LOL eli yesma3a ohwa your friend eshda3wa loona Snow White!
What a sad way of thinking.. Allah yahdeed inshallah weli yefakroon nafsa!
I say sorry to the awesome @Aether for the very late reply... am having problems with my machine lately
I hate iMac... It needs time to get used to it. Barely lost my valuable personal and family photos when I hooked up my HDD to an iMac
I recall that you can change keyboard layout by clicking some flag at the top bar or simply press Ctrl + Alt
And I know as am writing this "not so helpful tip" that you figured it out long time ago :p
Anythough
Back to the main story
هو لو مو شفرات الحلاقة كان ما ظل فيه جلد يبين عشان تشوف لونه
كان شفتيه كتلة شعر
استغفر الله استغفر الله اشفيني بلشت بالولد الله يهديه
:p
nice come back Aether-sama and nice profile photo as well
سبحان الله ، حبيت صفحه التعليقات .. جداً الليتات عدله p:
احس لو بسوي (بحث) لعايلته بطلع خوال من طرفين !
من جد تفكير غبي على غريب ؟
@Zahraa Ali
welcome welcome
وأحسه لو يلقى أحد من شجرة عائلته اسمر ممكن ينتحر
جد تفكير غريب
صبااح الخير ،،
لا تستغرب من هالثقافه اللي للحين موجوده .. ساعات أسأل نفسي شنو هالتفكير الجاهلي اللي للحين الناس تفكر فيه !! البعض ما يرضون يتزوجون غير ريال كويتي .. والبعض يتزوجون على حسب المذهب .. وفي ناس على حسب الأصل .. وغيرهم اللون !!!
مره كنت أنا ووحده من الأهل نسولف .. جان تسألني اذا تقدم لج ريال كويتي أخلاق وكل شي فيه زين بس أسمر ( على قولتها خال ) توافقين !؟ .. رديت إيه عادي دام كل شي فيه زين بشنو مهم اللون !! قالت أنا لو مكانج ما أوافق !! بصراحه استغربت من تفكيرها بوقتها بعدين قلت لو بقارن تفكيرها مع تفكير المجتمع اللي احنا فيه راح ألقى وايد ناس يفكرون مثلها
بنظري هذا تفكير غبي مع احترامي لها ولرفيجك .. الحين صار في تفتح ووعي أكثر ع الثقافات والدين .. وللحين نظرة الناس لهالأمور بالزواج نظره جاهليه !! .. ما يشوفون الثورات اللي كانت بأمريكا بسبب اللون أول والتفرقه اللي كانوا يعانون منها السمر بهذاك الوقت .. وهذا حاكمهم الحين أسمر .. وربعنا بالكويت للحين يفكرون باللون !
تحياتي
...
عبير الكويت كانت هنا
@AbEer
نعم نستغرب من هذي الثقافة والتفريق بالاصل والمذهب والعايلة واللون واللستة تطول
قمت بتعليقك الرائع بإثارة "موضوع مهم بالموضوع" وهو ان الكويتية ما تاخذ الا ريال كويتي
ليش ما تاخذ تركي مثلا
:p
لا جد... الزواج نصيب وما يوقف عند جنسية معينة
صحيح ان المرأة الكويتية تخسر مميزات كثيرة هي وعيالها لما تتزوج غير كويتي لكن مش هذا تفكير المجتمع اللي حولنا
تفكيرهم يصل لاحتقار الزواج من الجنسيات الاخرى الغير كويتية خصوصا الغير خليجية
صحيح احنا في الكويت كدولة من أكثر الدول تأثرا بالعولمة ولكننا اخترنا "في السنين الاخيرة" ان تكون عولمة بيننا وبين نفسنا
cheers :)
الله يابني حق هالموضوع بصراحة ودي افضفض تعبت من الهم الي فيني
انا تزوجت قبل سنتين من ريال اسمر بالاحرى امه سمرة و ابوه حنطاوي عادي المهم ان ابوي سأل عنه و وايد مدحوه و تحمس له و قعد يقنعني فيه لين تزوجته و الحمدلله الحين عندي ولد
بس الي صار ان لي يومكم هذا انا مكتأبة و مو سعيدة مع ان مو مقصر معاي ابد الله يجزاه خير
اهلي كلهم احتجوا على زواجي و زعلوا من ابوي لان زوجني اسمر و العايلة اختبصت و انا تعبت حيل و لي يومكم افكر بالانفصال يمكن ارتاح احس اني مشوشة مع اني ما حسست زوجي بشي ابد بس مو هاين علي اكسر قلبه وهو ما قصر معاي كلش
المشكلة يسمون ولدي العبد و من هللتنابز بالالقاب الي يقطع لي قلبي مليون قطعة
تعبت ادعولي ان ربي يفرج همي و ان عيالي يكونون بأحسن صورة و محد يعايرهم بشي و ان ارتاح و استقر و تزول عني هالوساوس
ربي يفرج همي
Dear Anonymous,
الصبر هو أفضل حل
والاسرة اللي كونتيها هي دائما اقوى من كلام عنصري مريض
وتأكدي ان الناس ما راح يعجبها شي
اذا مو اللون يطلع الاصل
واذا مو الاصل يطلع الفلوس
واذا مو الفلوس يطلع طريقة الحياة
فيه ناس تشوف نفسها مثالية
وغيرها عايب
وهذا انا خليط اسيوي هندي
ويمكن كنت اسمع الناس والاهل يستغربون من شكلي
او حتى يعيبون
بس بالاخير انا طلعت حلو
:p
ومحد يقدر يجادلني بشكلي واصلي ولوني
لاني فارض نفسي على الناس اللي همها اللون والاصل
وهم اسهل ناس تقدر تفرض شخصيتك عليهم
لأنهم ضعفاء
Live strong
Post a Comment